M’laya a·dokoba ‘Agnipath’ scheme-ko jegaltoka

SHILLONG: Sipai dolrango chadamberangko rimnapna gita ma·mong sorkarini parakatgipa ‘Agnipath’ scheme-ko a·songni gipin biaprango  jegaltokengon, Meghalaya a·dokoba Army-rango kam ka·na senge dongenggipa chadamberang, ia scheme-ko jegale, Sombar salo, Shillong songjinmao jinma re·jomaniko ong·atangaha.
Ia Agnipath scheme-ko jegale re·jomangtokengon, Common Entrance Examination (CEE) aro Army Recruitment Rally-ko ta·raken ong·atskachina gita chadamberang dabiangtokaha.
Ia scheme-ko jegale re·jomanio bak ra·gipa chadamberangni parakatani gitade, ia Agnipath scheme-ni ning·o bilsibrimangmangna Tour of Duty (ToD) recruitment mode-o chadamberangko sipai dolrango rimnapaniara, Army-rango kam ka·na sike senge dongenggipa chadamberangni niksamsoanirangko nisie galani gitasa ong·aigenchim.
Ia Agnipath scheme-ara chadamberangko sipai dolrango bilsibrina kamko ka·na gita chol on·enggipa scheme ong·achim aro ia scheme-ko ma·mongni Cabinet, adita salrangna skangsan parakatahachim.
Ia scheme-ko ma·mong sorkarini parakatani ja·man, a·songni dingtang dingtang biaprango, ia scheme-ko jegalna a·bachengtokskaahachim.