Thursday, July 31, 2025
spot_img

NGH-o ra·gatgipa ma·mongni dingtang dingtang scheme-rangko Tura MP nianga

Date:

Share post:

spot_imgspot_img

RESUBELPARA: North Garo Hills a·jao ra·gate ka·enggipa ma·mong sorkarini dingtang dingtang scheme aro program-rangko nipilna gita Sombar salo, Tura-ni MP Agatha K Sangma, District Development Coordination & Monitoring Committee (DISHA)-ni tom·aniko Mendipathar Multi Purpose Cooperative Society-o ong·atangaha.
Ia tom·aniko DISHA-ni chairperson ong·e Agatha Sangma dilangengon, North Garo Hills a·jao ra·gate ka·enggipa dingtang dingtang scheme aro program-rangni gimin sing·sandie ra·angenba, ma·mong sorkarini ra·gatgipa scheme-rangko somoi gita matchotatna man·na gita kamrangko nambate ka·china, a·jani officer-rangko didiangaha.
Ia scheme-rangni bidingo chubata gadangrango donggipa official-rang baksa agangrikanggen ine janapatengon, ma·mong sorkarini ra·gatgipa scheme-rangko nambate chu·sokatna gita tangka paisarangko somoi gita sokatna, bakrimaniko on·china Tura-ni MP, North Garo Hills a·jani officer-rangko didiangaha.
Ia tom·aniko a·bachengatanio North Garo Hills a·jani Deputy Commissioner RP Marak, jinmana aganprakangengon, ia DISHA-ni tom·aniko, sorkarini scheme-rangni gimin ma·sie ra·na gita ong·atenga ine talataniko on·angaha. North Garo Hills a·jao COVID-19-ni obostarang da·o namkalangaha ineba Marak parakataha.
Ia tom·anio sorkarini dingtang dingtang scheme-rang, jekai PWD, PMGSY, MGNREGS, PMAY-G, NSAP, NRLM, PHE-JJM, Water Resources, ICDS aro uandakgipa scheme-rangni gimin Tura-ni MP, North Garo Hills a·jani officer-rang baksa chanchirimangaha.
Ia tom·anio dongpae bakko ra·anggipa gipin manderangara, Resubelpara-ni MLA Timothy D Shira, Kharkutta-ni MLA Rupert Momin, Mendipathar MLA Marthon Sangma, Bajengdoba MLA Pongseng Marak aro gipinrang ong·a.

spot_imgspot_img

Related articles

Kettlebell training takes M’laya by storm

Shillong, July 30: A simple fitness tool has made a huge splash in Meghalaya, as institutions, individuals and...

A breather for pedestrians in Police Bazar

Editor, Through the columns of your esteemed daily, I would like to express my heartfelt gratitude and happiness to...

Minister’s Claptrap

The glib explanation given by Revenue Minister, Kyrmen Shylla on the disappearance of 4000 metric tonnes of coal...

DNA of Democracy: Faith Betrayed!

By KN Kumar In global governance, democracy is a concept that takes centre stage, universally regarded as the best...