SHILLONG: Meghalaya a·dokni dingtang dingtang koela a·damrango bikote donenggipa gitcham koelarangko ta·raken bon·atchina gita Meghalaya High Court, a·dok sorkarina ge·etaniko on·ataha.
Bikotgitcham koelarangko da·o bikotdaldalgipa koelarang baksa brinjana gita aro gital bikotgipa koelarangara skang gitcham bikotgimin koelarangan ine pa·sikna man·jana gita bikotgitcham koelarangko ta·raken bon·atchina Meghalaya High Court, a·dok sorkarina ge·etaniko on·ataha.
Meghalaya a·doko niam gri koela bikotenggipani bidingo PIL ka·anina hearing dakengmiting somoio Meghalaya High Court-ni Chief Justice Sanjib Banerjee, Justice HS Thangkhiew aro Justice W Diengdoh-ni full bench, ia ge·etaniko Mongolbar salo on·ataha.
A·doko koela bikotani report-ko ia 2022 bilsini June 20 tariko Mining & Geology department-ni Commissioner, affidavit gita file ka·angahachim.
