SHILLONG: Shillong-Dawki ramako apaldapatna kam ka·anirang namen ja·manchakenga, maina ia project-ko matchotatanide namen chel·enga, haida project-ko matchotatani somoiko nipiltainaba donga.
Unomitingo NHIDCL-ni saksa official-ni parakatani gitade project-ko matchotatani somoiko tik ka·taigen.
Indakeba nikatna man·a je, ia Shillong-Dawki ramako apaldapataniko matchotatna gita ia bilsi December jakon donsoahachim indiba ian donsogimin somoi gita matchotchong·motjawaha ine ma·sina man·a.
Minggipin, Rilbong-oni Upper Shillong-na four lane ramako tarina gita tender on·taiani bidingo kamrangko ka·engaha ineba official aganaha.
“Indake ong·engon, tender on·ani pilak kamrangko matchotatna gita chingna 45-60 salrangkode nanggen aro uarango pangchakesa gital contractor kamrangko a·bachengtaignok” ine aganan baksa rama tarina a·a nanggipako Defence authority-rang pakwatman·aha ineba NHIDC official agandapaha.
Ia ramako ta·rina gita a·bachengo M/s SS Infrazone Pvt. Ltd jako ra·jokchim, indiba ia company adita somoirangna skang kamrangko dontongaha.
Unaskang, ia project-ko matchotatanio ja·man chakatani gimin Chief Minister, Conrad Sangma-ba uni suk ong·gijaniko parakahachim.
Km 71 bakrogipa ramako Umshyrpi dolongoni Baniun, 7th Mile-ona kingking, four-lane highway-ko tariani ong·achim, uni ja·mande two lane-ko Dawki-ona kingking Gong kror 1,251 tangkachi tariani ong·achim.
