Maheskola jolrangko CM nienaba gnang

SHILLONG: South West Khasi Hills a·jani Maheskola jolrangona dakanggipa ramarang chu·gimik champengatako man·srangahani a·sel ia jolrango songdongenggipa manderang neng·nikanirangko chagrongna nangtokengani gimin ia jolrangonaba a·dokni Chief Minister Conrad K Sangma an·tangan re·ange nina miksongenga ine kobor on·timgiparang u·iataha.

Kobor on·timgiparangni u·iatani gitade, Moheskola jolrango mikkarang jime waangani ja·man, chirang dal·bae manderangni nok-jam aro dokkanrangkoba chi pe·angaha aro rama jal·langrangkoba a·a rurongdape aro mitamrango chirang pe·ange samtangtangchinin ramarang chu·gimik champengatako man·angahachim. Ia jolrango dokkanrangkoba chi man·ange aro ramarangba dongjae, bostu salgipa garirang re·angna man·jae, manderangna cha·ani bosturang bon·changna a·bachengtokahachim. Indake ong·engon, ia jolni manderangna, Budbar salo Indian Air Force-ni gita kg 2100 ong·gipa dingtang dingtang cha·ani bosturangko helicopter gita salange on·eaha ine kobor on·aha.

Iana skang, a·dokni Chief Minister, South Garo Hills a·jaonaba re·ange chi bangipa biaprangko aro a·a rurongdapgipa biaprangkoba niangahachim.

Budbar salo ua, Karukol aro Siju jolrangona re·ange Balpakram National Park sambaonaba re·angaha, jeon una official-rang, Simsang chibimani tu·ani feet 20-mang ong·aha ine parakataha.

Re·anggipa Mongolbar salonin a·dokni Chief Minister, Dalu-oni a·bachenge, South Garo Hills a·jani dingtang dingtang biaprangona wenangaha aro obosta ong·anio neng·nikanirangko chagrongenggipa manderangkoba grongangahachim.

Get real time updates directly on your device, subscribe now.

Comments are closed.