SWGH a·jao Payment for Ecosystem Services Scheme-ko a·bachengata

AMPATI: Sukrobar salo, South West Garo Hills a·jana Payment for Ecosystem Services (PES) Scheme-ko South West Garo Hills a·jani Deputy Commissioner SK Marak-ni jakchi, Ampati DRDA conference hall-o a·bachengate on·angaha aro ia scheme-ko a·bachengate on·anganio dingtang dingtang department-ni official-rang, songni nokni Nokmarang, dingtang dingtang gittimni dilgiparang aro gipinrangba dongpae bak ra·angaha
Ia scheme-ko re·anggipa June-ni 13 tarikon a·dokni Chief Minister Conrad K Sangma, a·dok gimiknan a·bachengate on·angahachim.
South West Garo Hills a·jao ia PES scheme-ko a·bachengate on·anganio Deputy Commissioner, jinmana aganprakengon, ia scheme-ni miksonganirangko talate on·angenba, samtangtango ong·telaigiparangko tangatpilna gita gisiko nangenggipa songrangna, gittimrangna, maharirangna aro manderangna bilsi 30-na tangka paisani gita dakchakanirangko on·na ia scheme-ko Community Led Landscape Management Project (CLLMP)-ni ning·o sorkari a·bachengataha ine parakangaha. Ia scheme-ko chu·sokgipa ong·atna kamko ka·anio bakrimanirangko on·china gitaba Marak, dingtang dingtang songrango donggipa manderangko didiataha.
Ia PES scheme-ni bidingo CLLMP-ni DPM, jinmana talataniko on·agskaengon, ia PES scheme-ni ning·o samtangtango ong·telaigiparangko ripingna gita sorkari hectare-prakon gong 15,000 tangkarangko dakchake on·gen ine parakataha.

Get real time updates directly on your device, subscribe now.

Comments are closed.