Judiciary-na buring-bolgrim, matburingrangko ripingani niamni bidingo prog-ko ong·ata

Shillong: Shillong Meghalaya High Court, Conference Hall-o mijal Sonibar salo Meghalaya State Judiccial Academy, WWF-India aro TRAFFIC India, Meghalaya-o Judicary-na Forest aro Wildlife Conservation Laws-ni bidingo  tanggitik ripingna nangenganio aro a·gilsak gimikni gita samtangtang aro biodiversity namen namangjani bidingo chanchianina Orientation Programme-ko ong·ataha.
Meghalaya High Court-ni Chief Justice Justice Sanjib Banerjee, samtangtangko chel·chakna bang·a niamrangko dakgenchimoba uamang ua niamrangko ja·rikna man·ja ine aganaha. Billion 4 bilsirangna skangon a·gilsak aro 300,000 bilsimangna manderang songdongengon, 3million-na baten jat ma·malrangko uamangni nanganirangna nisiaha. Meghalaya a·doko tourist industry bilakrorobaengako janape industry-ko dal·roroatna miksongani aro policy-rangko nangenga jedakode a·songni gipin a·brini biaprang gita Meghalaya-ni nitoani nosto ong·jawa, ua aganaha.
A·gilsakna mandeni kamrang cancer sabisi gita ong·a, ong·telaigipa bakrang uarangni wilwilani baksa uamangni gimaanganiko ripingna, tangchaatpilna mandeni namgija kamrangko namatna aro nirikkina ua aganaha.
An·ching ong·telaigipa bakko aro tangchaatna dakgrikna amja, uarangko ripingna nanga aro samtangtang buring-bolgrimko aro matburingko ripingani kamrango bichalrangko agananio Judiciary kamko ka·enga aro uarangko ripingani niamrangko ra·gatna nangako ua aganaha.
Programme-o India-ni Supreme Court-ni a·gipi ADN Rao,  aro Meghalaya, PCCF aro Chief Wildlife Warden S M Sahai, aganaha.

Get real time updates directly on your device, subscribe now.

Comments are closed.