SHILLONG: Indian Institute of Public Health (IIPH)-ni kosako ja·ku de·china dabienggipani bidingo a·dok sorkari maming ja·kurangko de·jaengani gimin da·al Mongolbar pring 9:00 baji dipet konta 24-na Meghalaya Medical Services Association (MMSA)-ni ning·o kamko ka·enggipa doctor aro dingtang dingtang official-rang, kamrangko dontongatna tik ka·angaha.
MMSA-ni ning·o kamko ka·enggipa doctor aro dingtang dingtang official-rang, konta 24-na kamrangko dontongatna tik ka·ahani gimin manderangko sanchakgipa dingtang dingtang hospital aro health centre-rango neng·nikanirangko man·skanaba dongaha.
“IIPH-ni kosako ja·kurangko de·china chingni dabianiko sorkari knachakjaengani gimin chinga ia ja·kuko de·na nangao ga·akaha,” ine MMSA-ni membor saksa parakataha.
MMSA-ni dabianiko sorkari knachakjaengani gimin jingjengatanirangko a·bachengatna re·anggipa June 24 tarikon parakatahachim indiba da·alonan uamangni dabianirangko sorkari knachakjahani gimin Sombar salo MMSA-ni state executive committee (SEC) tom·e chanchirimangenba, konta 24-na kamrangko ka·gija jingjengatna manchiangaha.
Iani bidingo MMSA-ni membor-rang a·dokni Health Minister James K Sangma-ko grongna jotton ka·ahachim indiba da·onan uko grongna gita man·chipjaenga ineba MMSA-ni membor saksa parakataha.