TURA: Tura-ni Community Science College-o poraienggipa chatri sakbri, Thailand a·songni Textile Institute (THTI)-o jagittamna ong·atenggipa training-o bakko ra·na gita Budbar salo, New Delhi Airport-oni Bangkok songjinmaona sokangaha ine kobor on·aha.
Ia training program-ko World Bank-ni dakchakenggipa New Delhi ICAR-ni NAHEP-IDP program-ni ning·o ong·atenga aro ia training program-o Textile & Apparel Industry-ni gimin skie on·an baksana training-o skie ra·enggipa chatro chatrirang, Thailand a·songni dingtang dingtang institute-rangko aro karkanarangkoba nibana gita chol man·gen.
Ia training program-o bakko ra·ena gita seokako man·gipa Community Science College-ni chatri sakbriara Manipur a·dokni Trishya Yumnam, Tracy Thokchomand, WL Warni aro Arunachal Pradesh a·dokni Takam Yari ong·a.
Ia chatrirangko college campus-o College-ni Dean Prof Jyoti V Vastrad baksana Associate Nodal Officer Dr Ch Basanti Devi aro Language Instructor LL Kingbawl nirikaha aro uamangko THTI-ni Liaison Officer N Thaicharoen, Budbar salo Bangkok-ni Suvarnabhumi Airport-o rimchaksoskaaha.
Tura Community Science College-ni chatrirang THTI-o skie ra·na re·anga
Date:
Share post:
