SHILLONG: N-ni Presidential Candidate aro Union Minister-ni kosako kragija dake mesokahani gimin a·dokni Cabinet Minister aro BJP-ni MLA Sanbor Shullai-ni kosako nanga gita ja·kurangko de·china UDP dol dabiengon, Shullai-ni kosako nanga gita ja·kurangko de·na a·dokni Chief Minister aro NPP-ni national president Conrad K Sangma-ba parakataha.
Iani bidingo a·dokni Chief Minister, Assembly-ni Speaker aro UDP-ni president Metbah Lyngdoh-ko gronge agangrikangahachim.
“Anga da·al salni bako Assembly Speaker-ko grongaha aro ua uamangni chanchianiko angna aganaha. Angaba una iani bidingo nanga gita ja·kurangko de·anggen ine ku·rachakaniko on·angaha,” ine Chief Minister parakataha.
Shullai-ni kosako mai dakgipa ja·kurangko de·na sienga aro uko Cabinet-oniko ra·galgenma ine sing·on, “Chinga obostarangko nie nanga gita ja·kurangko de·anggen aro somoi ong·ahaon ja·kuko de·angaigen,” ine Sangma aganaha.
Ia obostani gimin janapatengon, mikkangchi Draupadi Murmu, a·songni President ong·ani cholrang dongenga aro uni mikkango kragijagipa kattarangko agananiara namen kragijani ong·aha ine Chief Minister parakataha.
“Ian dilgipako seokani kamsa ong·a aro dolantian an·tangtangni nangnikanirangko aro neng·nikanirangko aganna bil donga. Indiba ian a·songo dal·batgipa kamna seokanisa ong·enga aro iandakmiting somoio an·ching nangako aganna man·a. Iakon a·dokni Speaker aro UDP-ni president-ba dakahachim,” ine Chief Minister parakataha.
 |
ReplyForward
|
