SHILLONG: Meghalaya a·doko Trinamool Congress (TMC) aro National People’s Party (NPP)-ni MLA sakgni, Bharatiya Janata Party (BJP)-o napangskanaba gnang aro iandake ong·bebegenchimode re·baenggipa 2023 bilsini Assembly election-na skang BJP-ko bilakbatatani gita ong·gnok.
A·doko BJP-ko dilenggipa saksani parakatani gitade, NPP aro TMC-ni MLA sakgnian, TMC-o napna gita agangrikanirangko dakenga.
“MLA sakgnian BJP-o napna gita ching baksa agangrikenga aro somoi ong·ahaon uamang BJP-o nape, re·baenggipa 2023 bilsini Assembly election-o BJP-ni candidate ong·e susagen,” ine BJP-ni dilgipa parakataha.
Da·o dipet BJP-o napna miksongenggipa NPP MLA-ni gimin ma·sikujaengoba, TMC-oni ong·katna miksongenggipa sakbri MLA-rang gnangchim ine nikskana man·engachim. Ia sakbri MLA-rangara, HM Shangpliang, Shitlang Pale, Marthon Sangma aro Jimmy D Sangma ong·achim.
Adita salrangna skang, AITC-ni national general secretary Abhishek Banerjee-ni Shillong-ona re·baani somoio TMC-ni tom·aniko ong·atani somoioba ia MLA-rangoni mitamde dongpajahachim.
