SHILLONG: Meghalaya a·dokni Chief Secretary Rebecca Vanessa Suchiang-ni kamko a·dok sorkari, jadokna ra·dodapatnaba gnang.
Sorkari official saksani parakatani gitade, a·dokni Chief Secretary RV Suchiang, July 30 tarikon kamoni neng·takani somoi ong·engahachim indiba uni kamko sorkari ra·dodapatna nangnikkuenga.
“Ua July-ni 30 tarikon kamtangoni neng·takani ong·engahachim indiba sorkari, uni kamko jadokna ra·dodapatna nangnikkuenga,” ine sorkari official parakataha.
Assam-Meghalaya cadre-o ja·delbatsranggipa IAS officer ong·enggipa Pankaj Jain-kode Meghalaya a·dokni Chief Secretary songjanaba gnang ineba sorkari official-rang parakataha.
Kobor on·timgiparangni u·iatani gitade, Assam-Meghalaya cadre-o ja·delbatsranggipa IAS officer Pankan Jain, da·o dipet New Delhi-o Petroleum & Natural Gas Ministry-ni Secretary ong·e donatako man·kuengachim.
Indake ong·engon, RV Suchiang-ni kamko jadokna ra·dodapatani somoi matchotahaon, uni biapo Additional Chief Secretary ong·enggipa Philip Wahlang-kosa a·dok sorkari, Chief Secretary songna nangnikenga ineba official-rang parakataha.
