TURA: Ia bilsini June 28 tariko cha·ugipa bike bolsako West Garo Hills a·jani police-rang, Mongolbar salo man·pilaha ine kobor on·aha. Ia bike-ko cha·uani ja·man, bike-ni nokgipa Phulbari police station-o mokordoma ka·ahachim.
Ia bike-ko cha·uani bidingo potchipenggipa mandekoba police-rang rim·aha ine u·iataha.
Police-rangni u·iatani gitade, ia bike-ara Phulbari jolo donggipa Rongchandalgre songoni saksa Brinitha Marak minggipa mandeni bike ong·achim.
“Ia bike-ko da·o Damal A·sim police station-o donenga aro iani bidingo bike-ni nokgipana aro investigating officer-naba u·iatmanaha,” ine West Garo Hills a·jani police officer parakataha.
