TURA: South Garo Hills a·jani Nongalbibra aro samba jolo donggipa dingtang dingtang skulrango poraie ia bilsini Secondary School Leaving Certificate (SSLC) porikkao teng·suanggipa chatro chatrirangna, Garo Students Union (GSU) Nongalbibra regional unit-ni gita dingtangmancha mande ra·pilskaani program-ko ong·atangaha.
Ia program-ko ong·atanio GSU Nongalbibra regional unit-ni gitcham president Rophul S Marak, mongsonggipa sokgipa ong·e bakko ra·angaha aro unbaksana Nongalbibra-o donggipa Seroni Nengminja Secondary School-ni Principal Basanti Sangma aro Nongalbibra Coal Supply Association-ni president Willynath R Sangma-ba dongpae bak ra·angaha.
Ia bilsini SSLC porikkao 77.00 mark-rangko man·e pass ka·gipa Jittu R Sangma, 75.16 mark-rangko man·e pass ka·gipa Chidilsa S Marak, 71.83 mark-rangko man·e pass ka·gipa Tyanwe Chisim Sangma aro 71.83 mark-rangko man·e pass ka·gipa Dianchidora N Sangma-na ia tom·anio tangka paisa aro certificate-ko on·e mande ra·pilskaaniko dakangaha.
Nongalbibra-ni SSLC topper-rangna GSU-ni gita mande ra·pilskaaniko daka
Date:
Share post:
