SHILLONG: Tura-ni MDC aro BJP-ni state vice president Bernard N Marak-ko rim·ani bidingo West Garo Hills a·jani Deputy Commissioner aro Superintendent of Police (SP)-ko ra·galchina dabie, West Garo Hills a·jao BJP-ni membor-rang, dingtangmancha signature campaign-ko ong·atangaha.
Ia signature campaign-ko ong·atanio BJP-ni membor-rang, West Garo Hills a·jani DC aro SP-ni kosako jegalanirangko dakangengon, Tura MDC-ni ‘Rimpu Bagan’-ko chadrapani somoio Chief Minister-na chake segipa aro kobor on·gipa media-ko jakkalanian, ia kamo ong·gija dakaniko mesokani ong·a ine matnangtokaha.
Ia Rimpu Bagan-ko 2019 bilsionin chalaiengachim indiba da·o election ong·na jadok skangsa ia baganko police-rang chadrapahani gimin ian politics-ni jak donganiko mesokani ong·a ineba BJP-ni membor-rang matnangtokaha.
Ia a·selni bidingo aro Marak-ko rim·ani bidingo jakgitele am·sandianirangko dakchina dabiangengon, Tura-ni MDC Bernard Marak, chief minister-ni constituency-o susaengani giminsa una kene iandakgipa kamko uni kosako ka·aha ine BJP-ni membor-rang parakatenba, ia kamko jegalanio a·dokni gipin dilgiparangkoba uamang baksa jak on·pachina didiataha.
BJP-ni dabianirangko knachakjagenchimode, mikkangchi West Garo Hills a·jao BJP-ni membor-rang okumu chake jingjengatanggen ineba uamang mikrakataniko on·angaha.
WGH-ni DC aro SP-ko ra·galchina dabie BJP-ni membor-rang ‘signature campaign’-ko ong·ata
Date:
Share post:
