TURA: Edenbari Government LP skulni gital nokko re·anggipa Sonibar salo, North Tura-ni MLA aro Chief Minister-ni Adviser Thomas A Sangma-ni jakchi nokdonggae on·angaha.
Ia gital skul nokko nokdonggae on·angani somoio School Education & Literacy-ni Director Ambrose Ch Marak, West Garo Hills a·jani District School Education Officer TK Sangma, Sub-Inspector of Schools S Ch Marak, SB Marak, songni Nokma, skulo poraienggipa chatro chatrirang, ma·a paarang aro school managing committee-ni membor-rangba dongpae bak ra·angaha.
Ia skul nokko state fund-ni ning·o rike on·ahachim.
Ia Edenbadi Govt LP skulni gital nokko nokdonggae on·angani somoio North Tura-ni MLA jinmana aganprakangengon, a·doko lekka porako tang·doatna gita sorkari dingtangmancha kang·kare kae kam ka·enga aro a·dok gimikon skul nokrangko rike on·na jotton ka·enga ine parakangaha.
Chatro chatrirangkoba mikkangchi chu·sokgiparang ong·e jatna aro a·songna dangdike on·giparang ong·na gita bimchipe poraichina ua didiangaha.