TURA: Bajengdoba police station-ni case mingsana judicial magistrate-ni mohor aro soiko tol·e ra·enba, court-ni order-ko tol·e tariahani gimin re·anggipa Bristibar salo, Guwahati-ni Kunal Kanti Saha Roy minggipa ukil saksako Resubelpara-o rim·aha.
Iani bidingo, dos dakgipa ukilni kosako JMFC FIR-ko ka·doangaha aro IPC-ni section 465/466/467/471/34-ni ning·o Resubelpara police station-o mokordomako ka·doangaha.
Deputy Superintendent of Police (DSP) saksani dilanichi North Garo Hills a·jani dolsa police-rang, Guwahati-o donggipa uni nokkoba chadrapeaha aro uni nokoniko court-ni order-ko tol·e tarina jakkalgipa bosturangko man·aha.
Matnanga man·gipa mandeko da·o police-rangni ning·o donenga.
