MLA Rapsang, BJP-o napgen inako party jegalata

SHILLONG: Congress-oni ra·gala man·gipa West Shillong-oni MLA Mohendro Rapsang-ko BJP-o napna am·enga ine kobor jangbingbangako kakket ong·ja ine state BJP, agantalataha.
“Ian kakket ong·ja, BJP-oni state president Ernest Mawrie-sa election-o susana tarisoenga, haida unasa party ticket-ko on·na donga aro bebegita ua election-o susaa ong·ode, cheani chol bang·bata, ine State BJP vice president Dipayan Chakraborty, koborna parakataha.
MLA Rapsang-ko election-na skang BJP-o napna donga ine kobor jangengani somoio BJP, ia kattarangko talataha.
BJP, election-ona tarisoaniko a·bachengataha, indaka somoio manderangni gisepo jajajiji ong·atna miksonganiosa iandakgipa ong·gija koborrango jangatenga ineba agandapangaha.
Minggipin State BJP president Erenst Mawrie, jean West Shillong seat-o susana nidingenga aro mikkang bilsi 2023 Assembly election-o susae chena ka·donganiko parakataha.

PDF-onin susaanggen: party chief

Agriculture Minister aro People’s Democratic Front (PDF)-ni president, Banteidor Lyngdoh, ‘mikkang bilsi 2023-o ong·atnasienggipa  Assembly election-o ua aro Sohra-ni MLA Gavin Miguel Mylliem- PDF candidate ong·e susagen ine parakataha.”
Uandake gipin MLA-rangni miksonganikode u·ija ine Minister aganataha.
“Sohra-ni MLA aro anga, chinga sakgnide PDF-oni susagen.”
Indake ong·engon PDF, ge 15-20 seat-rangna candidate-rangko sandienga mongsongbate East Khasi Hills District-na kragipa candidate-ko sandienga ine PDF-ni chief parakataha. Minggipin PDF, batanggimin bilsi 2018 election-o ge 4 seat-ko man·aha. Party-ni gipin sakgni MLA-rangara- Hamletson Dohling aro Jason Sawkmie Mawlong ong·a.

Get real time updates directly on your device, subscribe now.

Comments are closed.