SHILLONG: Meghalaya-ni DSP Pyrkhatlang Suchiang-na ‘Union Home Minister’s Medal for Excellence in Investigation’ award-ko on·aha. “Union Home Minister’s Medal for Excellence in Investigation” 2022 award-ko sak 151 Police personnel-rangna on·aha.
Ia medal-ko bilsi 2018-oni a·bachengataha. ‘Excellence in Investigation’-o nambate kam ka·giparangko mande ra·na gita ia medal-ko on·a.
Ia award-ko man·enggipa personnel-rangara – CBI-oni sak 15, Maharashtra Police-oni sak 11, Madhya Pradesh police aro Uttar Pradesh Police-oni sak 10 prak, Kerala Police, Rajasthan Police aro West Bengal Police-oni sak 8 prak police-rang aro gipinrangara dingtang dingtang a·dok/UT/Organisation-rangoni ong·a.
Sak 151 award man·gipa police personnel-rango sak 28 me·chik police officer-rang dongpaa.
