SHILLONG: BJP-ni vice president Bernard Marak-ko party watgalaha ine kobor knaengako kakket ong·ja ine jechakate, ‘party, Bernard-na chakpaenga’ ine BJP Meghalaya President, Ernest Mawrie, talataha.
Sonibar salo kobor ra·timgiparang agangrikmitingo Ernest Mawrie indine aganaha, “Bernard Marak-ni mamlako am·sandiani report-ko New Delhi-ona party dilgiparangona watataha aro report-ko Tura-ni manderangni agangipa kattarango pangchakesa tariaha.”
“Party-ni dilgiparangba report-ko niaha. Indiba Har Ghar Tiranga programme-ni gimin Minister-rang aro dilgiparang jakchakgija ong·enga.”
“DC aro SP-ko kamoniko ra·galna chinga dabiangkugen aro ia mamlako jakgittel sandina dabigen, chinga jrip dongjaenga, ia mamlao gipin dilgiparang baksa agangrikenga ineba aganataha.
Mawrie-ni kobor ra·timgiparangna parakani gitade, antisani gisepon ia mamlao party tale-roke chanchirimaniko dakanggen.
Uandake South Tura-na gital candidate-ko party sandiengama? ine sing·on, “iani gimin party, mamingkon chanchia dongkuja’ ine aganchakaha.
Indake ong·engon BJP-ni vice president Bernard-ko niamgri ong·gija kamrangna hotel-ko chalaiani gimin rim·aha aro ua hotel-oniko chu aro silchidarerangko man·aha, ia mamlao BJP-ni top dilgiparang, maming kattako agana dongkujaenga.
Meghalaya-ni incharge M Chuba Ao-san adita salrang skang Bernard Marak-ni kosako matnangako kakket ong·ja ine jechake warachake aganataha.
