NEW DELHI: Meghalaya a·dokko man·chape salgro salaramni pilak a·dokrangon, manderang baksa bakrime ‘Bharat Jodo Yatra’-ko rama dilmarango dal·bee ong·atanggen ine Sombar salo, Meghalaya Pradesh Congress Committee (MPCC)-ni president Vincent H Pala, All India Congress Committee (AICC)-ni tom·anio bak ra·ani ja·man parakataha.
“Anga bebera·a ia Yatra ba re·jomaniko ong·ataniara Congress dolni manderangkosan ong·aigija ramram manderangkoba didina dakchakani ong·gen,” ine Pala aganaha.
Ia AICC-ni tom·aniko jagimikna ong·atenggipa re·jomaniona tarisamsoani bidingo chanchirimna gita AICC-ni general secretary-rang, in-charge-rang, Pradesh Congress Committee (PCC)-ni president-rang aro state coordinator-rang baksa ong·atangahachim.
October jaoni January jaona PCC-ni president-rang aro CLP-ni dilgiparang, a·doktangtango ia Bharat Jodo Yatra-ko ong·atanggen indiba Bihar, Chandigarh aro Assam a·dokko man·chape salgro salaram a·dokrangode rama dilmarango jinma jegale re·jomanirangko dakangskagen ine MPCC-ni president parakataha.
Ia Km 3570 ong·gipa ‘Bharat Jodo Yatra’-ko September 7 tariko Kanyakumari-oni a·bachengate, sal 148-gipa salo Kashmir-o matchotatgen ineba Pala parakataha.
