WILLIAMNAGAR: National Disaster Management Authority (NDMA) central scheme-ni ning·o Aapta Mitra Volunteer-ko bilakbatatna gita gnigipa gadangni training programko District Disaster Management Authority, East Garo Hills-ni gita DRDA hall Williamnagar-o mijalo ong·atangaha.
Additional Deputy Commissioner A Ch Marak, mongsonggipa sokgipa ong·e aganengon, rang·gitik a·sel apot ong·ani somoirango dakchakna gita changa sapanirangko community volunteer-rangna skie on·na gita ia scheme-ni miksongani ong·a. Rang·gitik a·sel apot ong·anio duko ga·akgiparangna nangchenggipa dakchakani aro naljokatani kamrangko ka·na changna gita uamangna changa sapanirangko skie on·enga ine Additional Deputy Commissioner aganaha.
District Disaster Management Officer D Chyne-ni u·iatani gitade, ia training programko mijaloni dipet mikkang September 14 tarikona kingking ong·atanggen indake ia gnigipa changni training programo sak 30 volunteer-rangna skie on·enga.
