TURA: Banggriani somoirango dakna nanggnirangko agan-talate on·na gita mijal Sukrobar salo, West Garo Hills District Disaster Management Authority (DDMA)-ni gita salsani workshop-ko Tura Government Higher Secondary School-o ong·atangaha.
Ia workshop-ko ong·atanio West Garo Hills a·jani Additional Deputy Commissioner aro DDMA-ni Chief Executive Officer (CEO) Dolrich Berin G Momin, mongsonggipa sokgipa ong·e bakko ra·angaha.
Ia program-ko ong·atanio dingtang dingtang official-rang, banggriani aro uandake rang·gitik a·sel ong·ani somoirango manderangna naljokaniko on·na gita dakna nanggni aro nanggijanirangko jinmana agan-talate on·angtokaha.
