SHILLONG: BJP Meghalaya-na dingtangmancha State Level Training-ko re·anggipa September 7 tarikoni 9 tarikona kingking State BJP Office, Shillongo ong·atangaha. Ia Training-ko, State Office Bearer-rangna, State Executive Member-rangna aro Morcha Head-rangna aro District President-rangna dingtangmancha ong·atangaha. Ia training-o skie on·na gita Central Training Cell ming 13 Topic-rangko watataha. Ia training programo, party-ni kamrangni gimin aroba bebera·anirangni bidingo skie on·aha aro chanchirimangaha. Ia training programo skie on·na gita Ma·mong dilgiparangan seoke watataha uamangara, Hemant Goswami, National Training Co-Ordinator, Dilip Saikia MP National General Secretary, Mahesh Chandra Sharma Member National Training Pramod Swami mang ong·a, jemangan Assam BJP-ni ku·wattimgiparang ong·a. Indake ming 13 Topic-rangoni ming gittamni gimin A.L Hek, David Kharsati, S.P Mahanta, Senior Advocate skie on·angaha.
A·doko re·a doani aroba sana banani a·bakurangni bidingo State President Ernest Mawrie aro S.P Mahanta mang chanchirimdilangaha.
Session ge·antion agangrikani sing·grikanirangko dakangaha.
Indake party-ni kam ka·anirangko namdapatna aro party-ko bilakbatatna gita ia training programrangko ong·atangha ine koborna u·iataha.
