SHILLONG: Jowai district jail-oni joke katgipa sakdok koidirangoni sakbriko West Jaintia Hills a·jani Shangpung Thadmuthlong songo manderang jinma doke so·otgalani ja·man, koidirangoni saksa Ramesh Dkhar minggipa mandeko Sombar salo police-rang, Shangpung jolonikon rim·pilna gita man·aha.
West Jaintia Hills a·jani Superintendent of Police (SP) BD Marak-ni kobor ra·timgiparangna parakatani gitade, Ramesh Dkhar minggipa koidiko ia jolni manderang nikenba bakan police-rangna u·iataha aro ia koidina maming a·sel ong·na skangan police-rang, ua biapona re·ange uko rim·angna gita man·aha.
Jowai jail-oni joke katgipa sakdok koidirangoni sakbrikode Robibar salo, Shangpung Thadmuthlong songo, ka·a ding·chaoenggipa manderang, jinma chadrapenba so·ote galahachim indiba ia a·sel ong·anio Ramesh Dkhar minggipa koidide buringchi kate jokskana man·ahachim.
Manderangni chadrapako man·e sianggipa sakbri koidirangara, Moorap songni I Love You Talang, Mootyrshiah songni Lodestar Tang, Thangrain songni Shidorki Dkhar aro Priang songni Marsanki Tariang ong·achim.
Jowai jail-oni joke katgipa sakdok koidirangoni saksa Marsanki Tariang-de ia sakbonga koidirang baksa ong·gija dingtang kate dongnuskaengachim aro uko police-rang rim·na sandiengkuachim.
Jowai district jail-oni joke katgipa koidi saksako rim·pilna man·a
Date:
Share post:
