WILLIAMNAGAR: East Garo Hills a·jao Piggery Mission-ni gimin game ge·e cha·giparangna, jilla kaanirangko dake cha·giparangna aro kamgri ong·e dongenggipa chadamberangna agan-talate on·na gita training program-ko salgnina Animal Husbandry & Veterinary Department ong·atangaha.
Ia training program-ko salgnina ong·atanio, program-o donge skie ra·anggipa manderangna, maikai wakrangko pe·atna aro mile dal·atna nangachim, uarangni gimin skie on·angaha.
Ia training program-ni gnigipa salo, East Garo Hills a·jani Deputy Commissioner Jagdish Chelani, mongsonggipa sokgipa ong·e jinmana aganprakangengon, Meghalaya a·dokni Piggery Mission-ara India a·songo dal·batsranggipa Piggery Mission ong·enga aro ian game ge·e cha·enggipa aro jilla kaanirangko dake cha·enggipa manderangna dakchakanirangko on·an baksana a·doko wak be·enrangni chu·onggijaniko namatna gita a·dok sorkarini ra·gatgipa mission ong·a ine parakangaha.
Ia Piggery Mission-ni ning·o a·dokni cooperative society-rang, 0 percent interest loan-ko MCAB-oniko ra·e bilsi 8-ni gisepo chotpilna man·gen ineba Chelani aganaha.
Ia training program-o donge skie ra·anggipa manderangnaba ua ja·mano certificate-rangko suale on·angaha.
EGH-o Piggery Mission-ni gimin salgnina Training program-ko ong·ata
Date:
Share post:
