A·doko casino-rangko kulina manchianiko nipilchina Assembly Speaker agana

\

SHILLONG: Meghalaya a·doko casino-rangko kulina gita a·dok sorkarini manchianiko nipiltaichina Meghalaya Assembly-ni Speaker Metbah Lyngdoh, a·dokni Chief Minister Conrad Sangma-ko didiataha.

Iani bidingo a·dokni Chief Minister-na sedoatengon, a·doko casino-rangko kulianichi a·dokna namgijaniko ra·bana dingtang dingtang mondolirang, NGO-rang aro political dolni dilgiparang, kenchakanirangko paraktokengani gimin a·dok sorkari, casino-rangko kulina manchianiko nipiltaina man·ode nambatgen ine Assembly-ni Speaker parakataha.

A·doko casino-rangko kulina a·dok sorkarini manchiengani gimin Khasi Jaintia Christian Leaders Forum (KJCLF)-ni secretary Rev Edwin H Kharkongor-ni jegale seatgipa chittikoba ua an·tangni seatgipa chitti baksa Chief Minister-na watataha.

A·dok sorkarini ja·ku de·aniko dingtang dingtang dolrang aro a·doko songdongenggipa manderang jegalgrimtokani ja·man, a·doko songdongenggipa manderangni nangnikani gride casino-rangko kulina on·jawa ine adita salrangna skangsan, a·dokni Chief Minister Conrad K Sangma parakatahachim.

Shillong aro a·dokni dingtang dingtang biaprango dongsogimin joa kal·chakram biaprango indita bilsirangna maming niamrangko donsoa gri chalaiengani giminsa niamrangko tarina gita Gaming Act-ko ra·gataha ineba Chief Minister parakatahachim.

Get real time updates directly on your device, subscribe now.

Comments are closed.