Sorkari, bangbangipa post-rango gapatjaenga: HYC

SHILLONG: A·doko, Sorkarini dingtang dingtang department-rango bangbang ong·e donggipa post-rango manderangko rakkigija batanggimin bilsirangonin donchipengani gimin HYC, A·dok Sorkarini kosako matnangaha.
A·doko Sorkarini dingtang dingtang department-rango 3,367 post-rang bangbang ong·e dongenga ine saksa RTI Activist-ni agangipako janape aganengon, mija matchotanggipa Assembly Session-o, Chief Minister-ba iarangni bidingo tale-roke agana gita jechakangaha, bangbang dongenggipa post-rang da·oba ge 3000 mangni gitade dongna nanga ine HYC aganaha. Indake ong·engon, saksa employee-ni average annual salary ba dormaha gong lak 4.40 ong·ode sak 3367 employee-rangni dormahade gong 1,481,480,000 mangni gitade sorkari jako skate dongna ga·akenga.
Meghalayani skulrango nokrang aro gipin mongsonggipa nanganirangan chu·onga gita dongjani gimin suk ong·gijaniko aganengon, skigiparangko aro staff-rangkoba rakijaenga, indakani a·selba chatro-chatrirangni namgipa gadangni skia pora man·gniko cha·sokenga ine HYC aganaha. Education Department mangmangon ge 1,094 post-rang bangbang ong·e dongenga aro ge 36 lower primary school-rangode skigipa saksaan dongjaenga ineba HYC agandapaha.
Iarangna agreba police department-oba ge 2,780 mangni gita bangbang dongenggipa post-rangoba sorkari manderangko rakkikujaenga ineba HYC a·kange aganaha.

Get real time updates directly on your device, subscribe now.

Comments are closed.