Chokpot: Meghalaya Chief Minister Conrad K. Sangma, Sonibar salo, South Garo Hills Chokpot Sub-Division-ni gital office building-ko rikna pangchakaniko songe on·angaha. Ru·uta sal somoirangoni jolni manderang ia project-na nichake dongengachim. Indaka somoio pangchakaniko songe on·aniara, jolni manderangni nikjumanga chu·soka gita ong·pilaha. Chokpot jolni bang·a manderangan Chief Minister-ni Tura Dalu-oni Chokpot-ona re·gipa ramako tarianiko a·bachengate on·angao bak ra·angtokaha.
Project-rangna pangchakaniko songe on·ange, Chief Minister indine aganaha, “Chokpot jolni manderangni adita ru·uta bilsirangoni dabie dongenggipa project-rangko a·bachengatna chu·sokani gimin anga kusi ong·bea.”
A·dok sorkari, gital ramako rikna kror 50 tangkako sanction ka·aha aro gital Sub-Division office building-na kror 4 tangkako sanction ka·aha.
“Re·baenggipa bilsi 10 somoi Meghalaya a·dooko top 10 a·dokona tang·doatna sorkari kam ka·enga, ine Chief Minister parakangaha.
“Shillong aro Tura-mangko develop ka·e ba tang·doate a·doko dingtanganiko ra·bana man·jawa. A·dokni gimik bakrangonan development sokna nanggen. Songadamo donggiparangba development-ko man·a kraa.”
Niatgenchimode 80 percent manderang songadam jolrango donggipa ong·a, a·dokko tang·doatna re·mikkanganio sorkari, gimik jolrangon apsan development-ko ra·bagen.”
Batanggimin bilsi 50 somoirangonin Chokpot jolko nichangaha indiba chingni sorkari, Meghalaya-ni damsamangba songadamko nichangjawa, ine CM aganangkuaha.
Williamnagar MLA Marcuise Marak, Siju – Rongara MLA Rakkam Sangma, GHADC CEM Albinus Marak, Deputy CEM GHADC Nikman Marak aro gipinrangba programe-o bak ra·angaha.
