SHILLONG: Meghalaya a·doko drugs ba pekatgipa sam jakkalani aro bading chiwalaniko bon·atna kam ka·anio police-rang aro sorkari baksa bakrimaniko on·china gita a·dokni Director General of Police (DGP) LR Bishnoi, a·doko songdongenggipa pilak manderangkon didiataha.
IIM Shillong-ni Drugs jakkalni bidingo dingtangmancha session-ko ong·atanio ua a·dokni manderangna ia didianiko on·angaha.
Ia program-ko ong·atanio a·dokni DGP, jinmana aganprakengon, pekatgipa samrangko jakkalani namgijani aro iandakgipa kamrangko bon·atna police-rangni kamrangko ka·engani gimin agan-talate on·angaha.
“Pekatgipa samrangko jakkalaniara mande saksanni ba nokdang ge·sanni neng·nikani ong·ja indiba ian songsalni neng·nikanisa ong·a. Ia nokdangrangkosan nisienga ong·ja indiba songsalkoba nisienga. Ia neng·nikaniko a·song gimikon chagrongna gita nangenga aro ia neng·nikaniko bon·atna gita songsalni pilak manderangan kamrangko ka·na nanga,” ine Bishnoi aganaha.
Pekatgipa samrangko jillarangosan ong·aigija songadam nokadamrangoba jakkaltokenga ineba DGP aganaha.
