SHILLONG: 17-North Shillong Block Congress-ni office bearer-rang an·tangtangni neng·nikanirangko janapenba uamangni kam watani chittiko mnisalo Party Organisation Meghalaya Pradesh Congress Committee-ni General Secretary-on·aha. Indake ong·engon, uamangni Congress-oni ong·katani mongsonggipa miksonganide uan Bharatiya Janata Party (BJP)-o napnamancha ong·a, maina Meghalayao silrorogipa aro cha·bokani grigipa sorkariko riknade BJP-an man·aigen ine uamang ka·dongenga.
Indake ong·engon party-na bilsi 10-mangna batpile party-na dangdike on·na gita uamangna cholko on·ani gimin uamang, Congress Party-ko mittelaha.
Kam watgipa office bearer-ranga, gitcham Secretary, North Shillong
Block aro Oakland aro Beaver Road Unit-ni Unit President Nivash Paul, Oakland aro Beaver Road Unit-ni gitcham General Secretary Biswajit Dutta, Oakland aro Beaver Road Unit-ni gitcham Treasurer Chiranjib Dey, Oakland aro Beaver Road Unit-ni gitcham Joint Secretary Biplab Paul, Oakland aro Beaver Road Unit-ni Mahila President Litsala Sangtam, 17th North Shillong, Oakland aro Beaver Road Unit-ni Executive Member-rang- Ashim Deb, Kishore Deb aro Amarjit Chakraborty mang ong·a.
