SHILLONG: India a·songni salgro salaram jolrango Don Bosco Salesian-rangni kam ka·ani bilsi 100 gapaniko manina gita Mawlai-o donggipa Sacred Heart Theological College-o dingtangmancha Youth Fest 2022-ko ong·atenga aro ia Youth Fest-ko Robibar salo a·bachengatangaha.
Ia Youth Fest 2022-ko a·bachengatanio a·dokni Chief Minister Conrad Sangma-ba dongpae bakko ra·angaha aro ia tom·anio ua jinmana aganprakangengon, an·tangtangni bebera·anio kim·kimgiparang ong·china aro an·tangtangni ripengskarangna namgipa dakmesokgiparang ong·an baksana Don Bosco-ni ja·kurangko daksningchina, chadamberangko didiangaha.
Ia program-ko ong·atanio dingtangmancha chadamberangna a·dokni Chief Minister baksa agangrikani cholrangkoba on·angaha, jeon Chief Minister, dingtang dingtang chadamberangni ma·sina sike sing·anirangna agan-talate on·anirangko dakangaha.
Mawlai Sacred Heart Theological College-o Youth Fest-ko a·bachengata
Date:
Share post:
