SHILLONG: West Khasi Hills a·jani Nongshillong-o Krishi Vigyan Kendra (KVK)-ni gital administrative building-ko Mongolbar salo, a·dokni Chief Minister Conrad K Sangma-ni jakchi nokdonggae on·angaha.
KVK-ni administrative building-ko nokdonggae on·angani somoio a·dokni Chief Minister, jinmana aganprakangengon, game ge·e cha·giparangni janggi tangani gadangko tang·doatanio Science aro Technology-ni gita bak ong·paanikoba nangchongmota aro ia kamko chu·sokatanio KVK-an mongsonggipa kamko ka·gipa ong·gen ine parakangaha.
Ia gital administrative building-ko Centre of Excellence gita ong·ate jolni nangani kri iano kam ka·giparangko tarichina aro uamangni am·sandianirangchi aro u·i-ma·sianirangchi game ge·e cha·giparangko namroro silrorona gita dakchakchinaba ua KVK-ni official-rangko didiangaha.
Ia administrative building-ko nokdonggae on·angani somoio ua chu·sokenggipa game ge·e cha·giparangnaba mande ra·pilskaaniko dakangaha aro dakchakanirangkoba on·angjolaha.
