SHILLONG: Re·anggipa October-ni 15 aro 16 tarikrango Eastern India Zonal Ophthalmalogical Congress (EIZOC)-ni chang 35-gipa annual conference ba bilsini tom·bimonganiko Patna songjinmao ong·atanio, North East Indira Gandhi Regional Institute of Health & Medical Science (NEIGRIHMS)-ni Professor (Dr) Tanie Natung-na dingtangmancha award-ko on·angaha.
Ia award-ko Prof Natung-na uni Ophthalmology-ni science-ko salgro salaram a·dokrango ra·dona kam ka·ani gimin on·aha aro ia award-ko una EIZOC-ni President aro Honorary General Secretary-ni jakchi on·angaha.
Iana skangba Prof Natung-na a·songo mikkim dongbatsranggipa ‘Sushruta Samman’ award-koba on·angahachim ine nikna man·a.
