TURA: Changsnigipa National Ayurveda Day-ko adita salrangna skang, North Garo Hills a·jaoba District Medical & Health Office-ni gita Resubelpara CHC Conference Hall-o manidilangaha aro ia tom·anio North Garo Hills a·jani Extra Assistant Commissioner (EAC) CWR Sangma, mongsonggipa sokgipa ong·e bakko ra·angaha.
Ia tom·anio North Garo Hills a·jani EAC CWR Sangma, tom·anio bak ra·giparangna aganprakengon, an·tangtangko an·seng baljoke rakkiani bidingo aro mandeni an·seng baljokanio ayurveda-ni gamchatgipa ong·ani gimin agan-talatanirangko on·angaha.
Ia National Ayurveda Day-komaniani bak gita dingtangmancha MLHP Khaldang aro Doba Apal SC-ni gita Yoya-koba kal·e mesokangaha.
