TURA: Songadam nokadamrango community hall-rangko rikna dakchakaniko on·na gita Mongolbar salo Meg-LIFE scheme-ko a·dokni Chief Minister Conrad K Sangma, Tura-ni District Auditorium-o a·bachengate on·angaha aro ia tom·anio North Tura-ni MLA Thomas A Sangma, gipin dilgiparang aro dingtang dingtang official-rangba dongpae bak ra·angaha.
Ia scheme-ara JICA, Chief Minister’ Special Development Fund aro Meghalaya Basin Development Authority (MBDA)-ni tangka paisarangchi ra·dime bikotgipa scheme ong·a aro ia scheme-ni ning·o a·dok gimikni dam 300 songrang, gong lak 23-ni community hall-rangko rikna gita sorkarini dakchakanirangko man·gen.
Ia Meg-LIFE-ko a·bachengate on·angani somoio, Garo Hills-ni dam 27 songrangna gimik kror 3.61-ni cheque-rangko Chief Minister aro gipin dilgiparangni jakchi suale on·angjolaha.
Meghalaya a·dokni Chief Minister Conrad Sangma, Meg-LIFE scheme-ni cheque-rangko dingtang dingtang songrangna sualatenga.
