SHILLONG: Mikka simani gimin Budbar salo, a·dokni Chief Minister Conrad Sangma-ko Shillong-ona bildilangenggipa helicopter, Umiam jolo donggipa college damsani kal·chakramo bilongitikna gita nangaha.
Budbar salo, a·dokni Chief Minister, West Garo Hills a·jao ong·atanggipa program-o bakko ra·enba, Tura-oni Shillong-ona helicopter-o bilangengachim indiba mikka simani gimin ia helicopter-ni pilot-rang, ia helicopter-ko Umiam-o bilongitikatna nangaha ine Chief Minister-ni office (CMO)-oni koborko on·ataha.
Koborko on·ani gitade, ia helicopter-ara Aryan Aviation Private Limited Company-ni helicopter ong·achim aro ia helicopter-o pilot sakgni, Chief Minister-ko Shillong-ona bildilangengachim.
Ia helicopter-ko chalaina gita a·dok sorkari, Aryan Aviation Private Limited Company baksa songgigrikahachim.
Helicopter-ko bilongitikatani ja·man Chief Minister-ko songni manderang rimchaksoenba, cha·ani ringanirangko on·ataha aro ja·mano ua joljol rama gita Shillong-ona re·angaha.
Mikka simani gimin CM-ko bildilangenggipa helicopter bilongitikna nanga
Date:
Share post:
