SHILLONG: Umiam Sports Complex-o salgittamna ong·atenggipa Rising Sun Water Fest 2022-ko Bristibar salo, a·dokni Chief Minister Conrad K Sangma a·bachengate on·angaha.
Ia Rising Sun Water Fest 2022-ko Indian Army aro Meghalaya sorkari, Khelo India program-ni bak gita nangrime ong·atenga aro ia Water Fest-o ring chosusaani, cultural exhibition, art & craft exhibition, food fest aro dingtang dingtang kal·susaanirangkoba ong·atenga.
Ia Rising Sun Water Fest-ko a·bachengate on·angani somoio a·dokni Chief Minister, ia program-ko ong·atenggipa dolrangko mittelpilangenba, ian skanggipa changna Meghalaya a·doko iandakgipa water fest-ko ong·atani ong·enga ine parakangaha.
Meghalaya a·doko nitobegipa biaprang, chiring chibisikrang, chiring darerang aro uandake samtangtango ong·telaigipa biaprang dongani gimin iandakgipa cholrangko ra·e tourism-ko tang·doatchina gitaba Chief Minister didiangaha.
Batanggimin adita bilsirangni gisepo COVID-19 giproroanichi a·doko Tourism-ni kamrang dikdiksana dontongatako man·ahaoba aro dingtang dingtang neng·nikanirangko chagrongna nangahaoba Meghalaya a·dokona gipin biaprangoni manderangko salbana aro a·doko songdongenggipa manderangna janggi tangani cholrangko on·na gita a·dok sorkari, iandake samtangtango ong·telaigipa biaprangko jakkalna man·aha ineba Chief Minister parakataha.
Iandakgipa program-rangko bilsiantian ong·atna gita sorkari jotton ka·enga ineba ua aganaha.
Sal 3-na ong·atenggipa Rising Sun Water Fest 2022-ko a·bachengata
Date:
Share post:
