Prez-ni kosako kragija agananina BJP, TMC-ko matnanga

SHILLONG: TMC Minister Akhil Giri-ni India-ni President-ni kosako kragija kattako agananina Sonibar salo BJP Meghalaya, jegalataha. ‘Droupadi Murmu, India-ni skanggipa tribal President ong·e itihasko tariaha, uan million-ni million-ni manderangko didiatgipa ong·a aro a·songni bang·a tribal manderangna ka·donganiko on·gipa ong·a. Uni gadang chubea, tosusana amja.  Indiba Trinamool Congress (TMC)-ni Minister Akhil Giri, India-ni President-ko kragija aganaha.
‘An·chingni President-ni mikkang-bimangni gimin agananiara’ TMC Minister-ni chonbea gisik ba chanchianiko paraka, ine BJP state president Ernest Mawrie, aganaha.
TMC dilgiparang, an·chingni India a·songni President-ni gimin iandakgipa ong·gija chanchianirangko gisiko dongipa ong·ode, uamang maikdagipa dilgiparang ong·enggen aro a·songni tribal manderangna maidake kam ka·gen. A·songni tribal manderang bang·a jolrangon ja·manchakgiparang donga. Uamang development-ko man·jaengani gimin baditan neng·nikarangko man·enga. Uni gimin TMC-ko manderang jegaltokna nanga ine Mawrie aganaha.