Saturday, April 27, 2024
spot_img

‘An·tangko South Tura-ni BJP candidate ine a·kangja, tikitnasan galaia’: John Leslee

Date:

Share post:

spot_img
spot_img

TURA: BJP-ni active membor ong·ja aro BJP-ni tom·anirango dongparongjani gimin an·tangko South Tura constituency-ni BJP candidate ine a·kangna man·jawa ine BJP Tura city district committee-ni general secretary Wilver Greham Danggo-ni parakatani ja·man South Tura-ni gitcham MLA aro South Tura constituency-o susana gita BJP-ni tikitna susaenggipa John Leslee K Sangma jegalatskaenba, ua an·tangko BJP-ni candidate ine a·kanga dongkujachim indiba BJP-ni tikitnasa susakuenga ine parakatskaaha.
South Tura constituency-na BJP-ni tikitko on·anide high command aro election committee-ni jakosa ong·aia ineba Sangma talataniko on·angaha.
Wilver Greham Danggo-ni janapatgipa kattarangko jegalatengon, “BJP-ni national vice president aro Meghalaya-ni in-charge, BJP-ni dilgiparangko angni nokona watate angko BJP-o napchina didiatahani giminsa anga BJP-o napaha aro angni BJP-o napani somoio Meghalaya BJP-ni state president Ernest Mawrie, BJP-ni MLA AL Hek, BJP-ni MLA Sanbor Shullai aro gipin dilgiparangba dongpaachim,” ine John Leslee Sangma parakataha.
BJP-ni tom·anirango bak ra·rongja ine Wilver Danggo-ni janapatgipa kattarangna aganchakaniko on·angskaengon, GHADC-ni MDC Dhormonath Sangma-ko BJP-ona rimchaksoani somoio aro BJP-ni gipin tom·anirangoba ua bak ra·ahachim aro ia tom·anio BJP-ni dal·dalgipa dilgiparangan dongpaachim ine John Leslee talataniko on·angaha.
“Chinga apsanan da·o ia election-na campaign-ko a·bachengatgipa program-o bakko ra·ahachim indiba Wilver Danggo-ni agananiara namen dingtangskaenga. Angni party-ni tikitna dorgasto galaniko uni jegalaniara Central Election Committee-ni bilko pe·ani gita ong·engaha,” ine gitcham MLA parakataha.
Uko BJP-ni active membor ong·ja ine Wilver Danggo-ni agananiara, uko BJP-o napchina didigipa BJP-ni dilgiparang, chong·motan BJP-ni national vice president Dr Chuba Ao, BJP-ni state president Ernest Mawrie aro gipin dilgiparangko chonnikani gitasa ong·enga ineba John Leslee Sangma parakataha.
Iana skang ua, North Tura constituency-oni susana miksongenga ine jangbingbanganikoba raken jegalataha aro a·bachengonin ua South Tura constituency-ni ning·o donggipa manderangni namgnina kamko ka·nasa an·tangko on·kangmanaha ine parakataha.

spot_img
spot_img

Related articles

‘Ranneeti: Balakot & Beyond’ director praises ‘helpful’ Serbian govt for lending 50 tanks

Mumbai, April 27: Santosh Singh, the director of 'Ranneeti: Balakot & Beyond', shared insights about shooting in Serbia,...

Cong in strong position in 88 seats in India after 2nd round of LS polls: Kamal Nath

Bhopal, April 27: Congress veteran Kamal Nath on Saturday said the voting pattern in the last two phases...

Rimple & Harpreet design costumes for Ranbir Kapoor, Sai Pallavi-starrer ‘Ramayana’

Mumbai, April 27: Designer duo Rimple and Harpreet have confirmed that they are crafting costumes for the forthcoming...

Four power plants hit in massive Russian overnight attacks on Ukraine

Kyiv, April 27: At least four thermal power plants were damaged as Russia again targeted Ukraine with a...