TURA: December 12 tarikoni a·bachenge December 16 tarikona Tura-ni Araimile-o donggipa Muga & Eri Silkworm Seed Organisation (MESSO) P-4 Unit-ni gita Farmers Skill Training program-ko Sericulture & Weaving department baksa nangrime Tura-o ong·atenga.
Ia training program-ko a·bachengatanio, Sericulture Garo Hills-ni Zonal Officer Sunre G Momin, program-ko dilangaha aro ia program-o Shillong REC-ni Scientist D Dr N Balachandran-ba dongpae, ia training-ko ong·atani bidingo jinmana talate on·angaha.
Ia training program-ko a·bachengatanio, P-4 Unit-ni Scientist B aro Tura-ni SSPC Dr K Indra Kumar-ba dongpae jinmana aganprakangengon, a·gilsak gimiko India a·songosan muga kildingko tarigipa ong·e mikkim rasong donggipa ong·ani gimin a·songo muga kildingko bang·bate taridapna nangenga ine didiani kattarangko aganangaha.
Ia antisana ong·atenggipa training program-o West Garo Hills a·jaoni sak 25 muga jilenggipa manderang bakko ra·enga aro ia training program-o uamangna dingtang dingtang man·gnirangkoba on·enga.
