SHILLONG: NPP National President aro Chief Minister Conrad K Sangma-ni Jimmy D Sangma-ko jinmani mikkango Tikrikilla constituency-oni NPP-ni ticket-ko on·e parakatani-ara ong·gija ramao ja·ku de·ani ong·naba gnang, maina ua (Jimmy) da·onaba TMC-ni MLA ong·e Tikrikilla-ko mikkangchak-kuenga.
“NPP-na chakgipa man-derangna aganparakani jasa ja·mano jeon chinga gitalgipa memborrangko party-ona rimchaksoaha ua West Garo Hills Tikrikilla Paham-na dal·begipa ong·gen. NPP-chi dilenggipa MDA sorkarini kamni bidingo uamangko mittelaha aro chingni candidate Jimmy D Sangma-na chakpaachina uamangko didiaha,” Conrad tweeter-o parakaha.
NPP national president NPP-na chakgiparangna aganaha aro Tikrikilla, Paham-o gitalgipa membor-rangko rim·chaksoaha.
Da·o TMC MLA ong·enggipa Jimmy D Sangma TMC-oni kate NPP-ona napnaba donga maibakai ua MLA ong·a-niko watja indiba NPP-oni uni candidate ong·aniko parakataha.
Ian anti-defection law ba niamko pe·a ga·aknaba donga maina ua MLA gipin party-oni susana skang skanggipao uni da·o ong·-enggipa party-ko watchengna nanga ine Assembly Secretariat-oni official saksa aganaha.
“Saoba badi ka·gen-chimode uan anti-defection law-o ga·akgen,’’ official aganaha.
Jimmy-ko candidate-na parakataniara niamni a·palo ong·naba donga: Assembly Secretary
Date:
Share post:
Ru·utgija salo sak MLA-rang gipin political party-ona napna skang-gipao watchengaha ua anti-defection law ong·jaode maina legislator-rang skanggipao kam wata? Apsandake ia obostao MLA kam watchengna nanga. Koborni gita Opposition Leader Songsak baksana ge·gipin Tikrikilla-oba susana nidingenga aro ian nisan ka·dapani ong·-enga aro da·o ong·enggipa TMC legislator Jimmy NPP baksa ong·enga ine ma·si-enga uni gimin constituency-ona Trinamool-na nisan ka·dapani ong·enga.
