SHILLONG: Meghalaya a·dokni skotong Shillong songjinmako salgro salaram jolo bida budi on·chakram biap dakna man·na gita pilak nanga dakchakanirangko on·china a·dokni Chief Minister Conrad K Sangma, a·songni Prime Minister Narendra Modi-ko didiataha.
Shillong songjinmani Polo Ground-o North Eastern Council (NEC)-ni bilsi 50 gapaniko manianio bakko ra·e jinmana aganprakengmiting somoio a·dokni Chief Minister, iani bidingo a·songni Prime Minister-ko didiataha.
Ia tom·anio a·songni Prime Minister Narendra Modi, Union Home Minister Amit Shah aro ma·mong sorkarini gipin dilgiparangba dongpae bakko ra·angtokahachim.
“Meghalaya a·doko namroro silroroaniko ra·bana angni sorkari kamrangko ka·engon, Shillong songjinmako salgro salaram a·dokrango bida budi on·chakram biap dakna man·na gita anga nang·ni dakchakanirangko on·china mol·molenga,” ine Sangma aganaha.
Iani bidingo a·dok sorkari, New Shillong Township-o Administrative City-ko rike pilak sorkari office-rangko, bida budi on·chakgipa biaprangko, kal·chakram biaprango aro manderangni dongchakani biaprangkoba donna miksongenga ineba Chief Minister parakataha.
Ian Shillong songjinmani apchangket ong·aniko olgrokatna aro songjinmani nitoaniko man·piltaina dakchakani ong·gen ineba ua aganaha.
Khasi aro Garo ku·sikrangko Indian Constitution-ni Eighth Schedule-o napatchina gitaba ia tom·anio ua cholko ra·e a·songni Prime Minister-ko mol·molataha.
Batanggimin bilsi bongani gisepon Meghalaya a·dokba nambate kamko ka·enggipa dambonga a·dokrangoni damsa ong·aha ine janapatengon, Digital Governance-o dingtanganiko ra·baanina aro rurak tourism-ko namdapahanina Meghalaya a·dokna United Nations-ni gita upattiko on·aha ine Chief Minister parakataha.
Shillong-ko bida on·ram biap dakna dakchakchina Conrad, PM Modi-ko didia
Date:
Share post:
