SHILLONG: Da·o dipet Meghalaya a·doko Indian Administrative Service (IAS) aro Indian Police Service (IPS) officer-rangko Assam-Meghalaya cadre-onikosa seokengon, Meghalaya a·dokna dingtang cadre-ko dabiengani gimin National People’s Party (NPP)-ni gital seokako man·gipa spokesperson Ampareen Lyngdoh, NPP-chi dilenggipa Meghalaya Democratic Alliance (MDA) sorkariko mittelpilangaha.
Da·o dipet Meghalaya a·dokni IAS aro IPS officer-rangko Assam-Meghalaya cadre-onikosa seokengani gimin ia officer-rangko a·dok damgnini gisepon kam ra·jitna gita man·engkuachim ine nikna man·a.
Iani bidingo kobor ra·timgipa manderang baksa agangrikengon, Meghalaya a·dokba ong·ja maina ba je a·dokba ong·ja maina a·doktangni cadre ong·na nangchongmota ine Budbar salo, NPP-ni ku·wattimgipa Lyngdoh parakataha.
Meghalaya a·doko civil service officer-rang chu·ongjaengani a·selan bang·a neng·nikanirangko chagrongna nangenga ineba ua parakataha.
“A·dokni bilsi 50 gapani ja·man a·dokna dingtang cadre-ko India sorkario dabianiara namen namchongmota aro iako pilakan ra·chakna nanga,” ine Lyngdoh aganaha.
Batanggimin bilsisa atani gisepo planning aro finances-ni kamrangko nirokna gita official-rang chu·ongjahani a·selan a·dokni manderang an·tangtangan neng·nikanirangko chagrongna nangaha ineba Lyngdoh parakataha.
“Uni gimin da·o an·ching dingtang cadre-ko bi·na gita somoi ong·a aro iako ja·ku de·dilahani gimin anga MDA sorkariko mittelpilna ska,” ine NPP-ni dilgipa aganaha.
2023 bilsini election ja·man iakon NPP dol, kakketo dabiangkuna nanga ineba ua aganaha.
