SHILLONG: Re·baenggipa February jao ong·atna sienggipa Assembly election-na tarisamsoanirangko nina gita Election Commission-ni chu·gimik dol, January-ni 13 tariko Meghalaya a·dokona re·bagen.
Chief Election Commissioner Rajiv Kumar, Election Commissioner Anup Chandra Pandey aro sakgipin Election Commissioner Arun Goel baksana Election Commission-ni gipin official-rang, Meghalaya a·dokona re·baenba, Assembly election-na tarisamsoanirangko nina gita sorkari official-rang aro dingtang dingtang political dolni dilgiparang baksa tom·anirangko ong·atanggen.
Meghalaya a·dokona re·bana skang ECI-ni official-rang, salgnina Tripura a·dokonaba re·anggen ine kobor on·aha.
2023 bilsio Meghalaya a·dok baksana Nagaland aro Tripura a·dokrangoba Assembly election-ko ong·atna siengachim.