SHILLONG: Chang 36-gipa Inter-University North East Zone Youth Festival ‘Yuva Pratibha’-ko Budbar salo, University of Science & Technology Meghalaya (USTM)-o a·bachengataha aro ia salbongana ong·atenggipa youth festival-ko January 4 tarikoni 8 tarikona New Delhi-o donggipa Association of Indian Universities (AIU)-ni ning·o USTM-ni gita ong·atenga.
Ia program-ko USTM-ni Vice Chancellor Prof GD Sharma, USTM aro AIU-ni nisanrangko songdoachi a·bachengataha aro ia youth festival-ko a·bachengatanio Varanasi-o donggipa IIT (BHU)-ni Prof SK Sharma, USTM-ni Advisor Dr RK Sharma, USTM Cultural Forum-ni organising secretary aro convenor Polly Borgohain baksana dingtang dingtang university-ni official-rangba dongpae bak ra·angaha.
Ia chang 36-gipa Inter-University North East Zone Youth Festival-ko a·bachengatanio USTM-ni Chancellor Mahbubul Hoque, jinmana aganprakengon, USTM-o salgro salaram jol gimikonin changgipa sapgipa chatro chatrirang poraitokengani gimin ia university-o kal·susaani aro dingtang dingtang jatni kamrangko tang·doatna miksonge kamko ka·enga ine parakataha.
Ia youth festival-o bakko ra·enggipa mitam university-ranga, Gauhati University, Cotton University, Bodoland University, ICFAI University, Tripura, Tezpur University, Dibrugarh University, National Sports University, North Eastern Hill University, Rajiv Gandhi University, Dhanamanjuri University, Manipur University, Manipur University of Culture, Royal Global University, Indian Institute of Information Technology Guwahati aro gipinrang ong·a.
Ia salbongana ong·atenggipa youth festival-o dingtang dingtang susaanirangkoba chatro chatrirangna ong·atenga.
USTM-o chang 36-gipa Inter University NE Youth Fest-ko a·bachenga
Date:
Share post:
