TURA: Garoland State Movement Committee (GSMC) Pedaldoba regional unit-ni chairman aro Save B-Mahal Committee-ni chairman Rimjen Ch Sangma, Garo Hills-ni B-Mahal jolrango songdongenggipa manderangko chel·chakna gita Bharatiya Janata Party (BJP)-o napaha ine u·iataha.
Sangma-ni u·iatani gitade, B Mahal jolara Raksamgre constituency-ni ning·o mande jelbra jelsubatsranggipa biap ong·a aro batanggimin somoirango GHADC-ni gitcham dilgiparang, ia biaprangko pale cha·na miksonganirang dongani gimin ua ia chang Assembly election-o BJP-ni tikitchi susae, B Mahal jolo songdongenggipa manderangko chel·chakna miksongenga.
“Ia chang Assembly election-o anga Raksamgre constituency-o susagenma susajawa uko anga B Mahal-o songdongenggipa manderang baksa agangrike tik ka·gen,” ine Sangma parakataha.
