New Delhi: Sonibara Meghalaya Day-o a·songni skotongo maniangaha, jeon bang·a niksenggipa manderang aro mande ra·ako man·na kragiparang bak ra·angtokaha, President-oni Prime Minister-ona a·bri song a·dokko aro songdonggipa manderangko demittelaniko dakataha.
Ia salko manianio, President Droupadi Murmu, demittelatanio a·dokni nitoani aro man·e cha·anina rasong on·aha, aro songdonggipa manderangko mikkangchi nambate janggi tangchina nama skaniko on·ataha. “Anga Manipur, Meghalaya aro Tripura a·dokrangna salamko on·atenga. Daka rikarangni man·e cha·ani, samtangtangni nitoani , a·dokrangni dakbewalrang dingtanggipa ong·a. Ia a·dokrangni manderango dingtang dingtang changa sapanirang dongaha, jenan uamang namen mingsinggiparang ong·a . Anga uamangna mikkangchi namatangchiba nama skaniko on·atenga.”
Salamko on·atengon, Prime Minister Narendra Modi ia a·dokrangni manderangna uamangni miksonga chu·sokchina nama skaniko on·ataha. “Salamko on·atenga, Meghalaya-na uamangni a·dok jakgitelko man·anina, ia a·dokni jatrangni daka rikarang namen dingtanggipa ong·aha, mongsongbate doka damanirang, noksa salanirang, aro kal·susanirango namen dingtang ong·aniko nikna man·aha,” ine ua tweeter-ni gita aganaha.
A·songni bang·a bang·a dilgiparang dingtang dingtang party-onirang, social media-ni gita Northeast-ni a·dok dam 3-na uamangni jakgitel ong·ani salo nama skaniko on·ataha. Meghalaya House-o manianiko dakmitingo Chief Minister, Conrad Sangma, neng·takgiparang aro da·omitingo kam ka·kuenggiparang jeon Secretary, Petroleum, Pankaj Jain aro Principal Secretary Sampat Kumar-mang maniani somoio bak ra·angtokaha.
