Tuesday, September 16, 2025
spot_img

CM Conrad-ko ‘kenjagoke jada sikenggipa’ ine TMC matnangskaa

Date:

Share post:

spot_imgspot_img

SHILLONG: Assembly election-ni ja·man Meghalaya a·doko Trinamool Congress (TMC)-ni bang·bata dilgiparangan gipin dolrango napskana miksongtokskaengaha ine an·tangni dilgiparangko name nichina gita TMC-ni dilgipa Mamata Banerjee-ko NPP-ni national president Conrad Sangma-ni matnange aganangani ja·man, ua an·tangan ‘kenjagoke jada sikenggipa’ gita ong·e kamtangko ma·sijaengaha ine TMC-ni national general secretary Abhishek Banerjee matnangatskaaha.

Meghalaya a·doko Assembly election-ni ja·man TMC-ni bang·bata dilgiparangan gipin dolrango napskana miksongtokengaha ine Conrad-ni agangipa kattarangni bidingo sing·anina aganchakaniko on·angengon, a·dokni chief minister ong·e ‘bazar’-rango agananiko aro jangbingbanganirangko bebera·aniara namen kragijani ong·a ine Banerjee parakataha.

“Batanggimin bilsi bongani gisepo na·a an·tangan a·dokni manderang baksa ong·jahaode aro da·o manderangni kosako namgijakosa aganenga ong·ode na·a Meghalaya a·dokni manderangkon chonnikgipa gita ong·enga aro ian chief minister ong·na kragijaniko mesokani ong·enga,” ine Banerjee aganaha.

An·tangni election campaign-na gisik on·batchina Conrad Sangma-ko didiatengon, NPP-de national people’s party ong·jaha indiba ‘national puppets party’-sa ong·aha ine Banerjee parakataha.

“Bakan ‘My Development Alliance’ sorkariko ra·galgnok aro a·doko pilakni gitan namroro silroroaniko ra·bana sienggipa chong·mot sorkariko songgnok,” ine Banerjee aganenba, Conrad Sangma-ni agangipa kattarangara uni ‘kenjagoke jada sikaniko’ mesokanisa ong·enga ine parakataha.

Meghalaya a·dokko mikkangchi dakmesokgipa a·dok ong·atna gita ong·gija dakanio jak donggipa pilak manderangni kosakon nanga gita ja·kurangko de·anggen ineba TMC-ni national general secretary mikrakataniko on·angaha.

spot_imgspot_img

Related articles

RGU holds AICTE-VAANI national conference in Assamese language

Guwahati, Sept 16 : The Assam Royal Global University (RGU) successfully hosted a two-day national conference under the AICTE-VAANI...

Mauritius PM calls on President Murmu, concludes State Visit to India

New Delhi, Sep 16: Mauritius Prime Minister Navinchandra Ramgoolam called on President Droupadi Murmu at the Rashtrapati Bhavan...

Stock market soars amid India-US trade talks and Fed rate cut hopes; Sensex up 595 points

Mumbai, Sep 16: The Indian equity indices experienced a sharp rally on Tuesday, buoyed by the resumption of...

After GST rate cut, govt waives mandatory re-labelling of medicines

New Delhi, Sep 16: In a major relief for the pharma sector, the government has dismissed the mandatory...