Tuesday, May 13, 2025
spot_img

Kharkutta constituency-o SRWP aro gipin scheme-rang gimaa ine NGO-rang badi ka·a

Date:

Share post:

spot_imgspot_img

TURA: North Garo Hills a·jani Kharkutta constituency-o SRWP project-rangko man·chape dingtang dingtang scheme-rang gimaenga ine North Garo Hills a·jani GSU, GSMC aro AHAM dolrang, a·jani Deputy Commissioner-na seachi badi ka·doangaha.

Kharkutta constituency-o NPP-ni Rupert Momin, MLA ong·engachim ine nikna man·a.

Ia dolgittam NGO-rangni badi ka·doangani gitade, 2018 bilsioni 2022 bilsiona ra·gatgipa project aro scheme-rangni bidingo RTI ka·ani ja·man, ia project aro scheme-rang gimaaha ine ma·sina man·aha.

“SRWP-ni ning·o kamrangko ka·na seoka man·gipa manderang, tangka paisarangkode okmantokaha indiba kamrangkode ka·jaha. CGI sheet-rangko ra·na gita seoka man·gipa manderangba CGI sheet-rangko man·tokjaha. Ia manderangoni mitamde bilsigittamna joljol changgittamna kingking bimingrang nakatahachim indiba uamang mamingkon man·tokjaha,” ine NGO-rang parakataha.

NGO-rangni Deputy Commissioner-na badi ka·e sedoatgipa chittio parakani gitade, Kharkutta constituency-o gong 1,10,95,000-ni scheme-rangko MLA Rupert Momin-ni mandetang Jahangir Momin-ni bimingosa ka·ahachim aro ia kamrangoni bang·batakon lekkaode matchotaha ine seahaoba maming kamrangkon niknade man·jahachim.

Ia constituency-o gimaenggipa gipin kamrangni giminba am·sandianirangko dakna nangenga ine janapatengon, iani bidingo ta·raken sanditokatenba, dos donggipa manderangni kosako rakgipa ja·kurangko de·china NGO-rang, North Garo Hills-ni Deputy Commissioner-ko didiataha.

spot_imgspot_img

Related articles

Rel project-ni bidingo committee songna nanganiko VPP sing·doa

SHILLONG: Rel project-ni bidingo pilak dolrangni committee songna nanganiko Voice of the People’s Party (VPP) sing·doangenba, ia committee-o...

HI names squad for European leg of women’s FIH Pro League

New Delhi, May 12: India on Monday named a 24-member team for the European leg of the women’s...

Alcaraz moves past Djere to advance

Rome, May 12: Carlos Alcaraz pulled through to a 7-6(2), 6-2 triumph against Laslo Djere to reach the...

Pragg to take on Duda in round 6 of Superbet Classic

Bucharest (Romania), May 12: In a three-way lead after the fifth round, Indian Grandmaster R Praggnanandhaa will open...